Begoņa lurmuturreko galeriak babesteko eta hauen ondoko eremuak pribatizatu ez daitezen helburuarekin, galdapenak aurkezteko kanpaina abian jarri du Getxoko EAE-ANVk.

  · GALDAPEN EREDUA 

Getxoko Udalak Hirigintza Plangintza aldatu nahi du, Getxo Antzokia dagoen gunean, antzoki berri bat eraiki ahal izateko. Hori dela eta, EAE-ANVk zenbait galdapen aurkeztu ditu joan den azaroaren 15ean, iragarri diren aldaketak algortarren eta getxotarren kalterako izan daitezkeelakoan. Laburki, ondokoak dira aurkeztutako galdapenak:

  · GALDAPENAK OSORIK: HAPO-GETXO ANTZOKIA 

Gaurko Osoko Bilkurara 2008ko Tasen "izoztea" ekarriko du Udal Gobernuak. Edo hala aurkeztu du Imanol landa alkateak jendaurrean, KPIren igoera izango ez dutelakoan "horrek zergak jaitsiko direla esan nahi duela" gehituz. Halaber, udal igerilekuak erabiltzeagatik azken bi urtean ordaintzen den euroa kentzeko asmoa agertu du.

Gauza jakina da joan den Maiatzeko Udal Hauteskundeetan EAE-ANVri botoa eman zioten 3.245 getxotarrak ordezkaritzarik gabe utziak izan direla Udal Batza honetan. Honen ondorioz, Getxoko botoemaleen % 8 da gure herriko gaiei dagozkien informazio, eztabaida eta erabakietatik at uzten dena. Noiz eta elkarrizketaren beharra, jarrera irekia, oposizioaren lanaren balioa eta herritarren partehartzea gehien aldarrikatzen diren legealdian.

Egunotan Espainiako Armadak Arriluzeko kaiaz egiten duen erabilera salatu nahi du EAE-ANVk. Zehazki, 40 marinel eta kainoi bi daramatzan maila handiko Arnomendi patruilauntzia gurutzuntzien nasa erabiltzen egon da.